klo-oobasice http://kobasice.blog.hr
srijeda, 26.11.2008.
počnimo sezonu klo-o-obasic
Počinjemo sezonu klobasic, pa se domislimo ča smo delali prije dva leta
Ovo je poruka Tilija Modrušana od 02.02.2007. u 19:56
Sad ću van povedat recept za kloobasice:
na 10 kili miesa:
soli 1,8%, papra 0,25%, česna sirovega 0,60-0,70%, naribat malo muškatnega oraščića, skuhat dva deci vina (s četiri-piet listi javora).
priprema paštuona:
mieso trieba bit odležano, to znači hladno. Mieso se samelje ili narieže z nuožien. Masno bi triebalo rezat na tri kvarti od miesa. Pokle ga se rastiegne na stole, po njin se hiti suol i papar skupa zmiešan. Kad se vino zakuha, bi triebalo nažgat da alkohol ispari i puštit ga da se uhladi. Kad se je vino uhladilo česan se zmieša skupa z vinuon i se hiti po paštuone, i se nariba malo muškatnega oraščića.
Priprema česna:
Svi imajo straha stavit sirov česan aš pensajo da će kloobasica zarančidit. Ja ću vam povedat kako se pronta česan.
Zame se mikser oni veći, česan se oguli, stavi ga se nutra i ga se melje. Zato ča je malo česna se muora ziet malo miesa od paštuona da ga pobere valje na dne miksera. Muora se jako dobro mlet da pride van pašteta - jako je bitno da nima kusi od česna.
Kad pride van pašteta, česan se zmieša z vinuon i se dela kako san već reka.
Kad se je sve to storilo, paštuon se muora jako dobro zmiešat i sve ča si pensa da je dosta,
daj još jedan put. Kad je paštuon zmiešan puštit ga par ur da se uhladi i mieso odmori (va to vrieme se more i pit i jest i igrat harti). Nakon tega, paštuon još jedan put zmiešat i nadevat va čriva. Čriva muorajo bit jako dobro nakrgana da ni zraka nutra. Kad se kloobasice storie, zavesit hi poli ognjišća i sušit hi kako ki će.
Kobasice se ne smiejo ticat, a mež njih se stavi grani od javora da dobijo oduor.
Jako je bitno da va prostorije ni vlagi, da se loži kad ni buri i jako je bitno da se kloobasice ne dime jer va naše domaće istrijanske kobasice se ne smije čut dim. To je jako bitno.
Ča se tiče masnoći, va kloobasico se stavi po svojen gušte. Najbolje je stavit masno od panceti.
Dragi moj prietelo, to ti je receta od Tilija Kloobasice. I to je to. Ala Buoh!
srijeda, 20.06.2007.
kobasice od zimus za marendu
srijeda ... marenda
... u frižideru iman jeno malo klo-obasic. U masti su bile pa-a san hi po uvoj teplini vrga na hlad. Tamo su već tri miseca, a još hi je malo zustalo od zime. Kako već guštan u svakoj od njih gledan ča bin za lahku marendu po uvoj teplini si pronta. Da. Klobasice za marendu, a vani je trideset u hladu! Bolje to nego hrenovka ku si je mala prontala.
Nareza san dva kunpira. Bila kunpira, malo veća. Lahko san hi uškrtača brez guliti lupinju. Samo san spužvon postrga zgoru i nareza na tanke fete. Ne znan zašto san dela fete na dulji kraj. Tako, da su veće. Lipo velike. I neka su! Priko njih san poreza malo krvavega luka, unega ča ima ljubičaste listi i jenu papriku na tanko. Da ... i jedan pomidor. Da hitin soli pensan? Da ne. Klo-obasice će bit dosta slane. Jenu mrkvu san hiti stešo, da se najde, ne znan zač. Kad već ni soli san malo namrvi papra iz one bočice ka se kupi gotova z malinon a u nju vajk vržemo papar sakakov kad se potroši original. Sad je nutra zeleni. Papar!
Kad su se pokle tridesetipet menuti malo kunpir i sve to skupa u masti ku san zvadi zgor kobasic jeno malo ćapali san hiti i njih z steše mašćobe i priko san namrvi sira. Sad čekan još petnaets menuti neka sve to fini u padeli ku san frga u forno. Zapali san sve tipke i sve foze tehnološke ke špaher ima. Anka ventilator.
...
... i ča ni zgorilo po vrhu dokle san uvo pisa ! ..... jebi ga, ali steši je dobro.
Sad baš provivan i već san se speka. Ne moren dočekat ta dva menuta dokle se ne uhladi.
... do-obro!, magari zgoreno!
petak, 23.03.2007.
Svi znate da je profesor Božac, kijega bolje poznate po librih od gobic, dela i projekt standardizacije istrijanskeh klobasic, žluoprta i pršuta, pak ne moremo brež njega va uvijen Bloge. Donka ča guori Romano: Za trajni proizvod istarske kobasice vrlo je važno soljenje. O tome ovisi hoće li kobasica biti lijepa i ukusna.
Na 70 kilograma mase stavili smo 4,5 litre porečkog vina malvazije u kojem je kuhano 1,20 kilograma češnjaka.
- Što je s paprom?
- Može se staviti papar, lovor, češnjak, kaže on.
srijeda, 21.03.2007.
Kobasice na gradelah
... guvori mane Pino neki dan: "Kobasice na gradelah i na vine so se počele delat upravo pojavom turizma, prvo tega ni bilo.
Samo za gotova jela se kobasice koristilo, čak i na vine je bilo jako rijetko.
KOBASICA, ča je to??! - To je jedan mesni dodatak bi za puno puno jela. To je izvrsna namirnica i čak guore da je to nešto najbolje od prasca. Pršut je suh i onda uon je za narezak, uon je takav kakav ije prekrasan, predobar ako je lijepo hranjen prasac, a žluomprt je isto bi va mašće i isto je tretiran kako i klobasice, praktično skoro i za ista jela.
Jedan murelić, jena klobasica od kvarti na tanke kuolice narezana kad se samo zgrejala, va fritade ... Pogotovo je jako dobro ako je malo uvenjen vazmeni luk, uni merikanski luk i malo kuolic na to hitit i uni put kuhani štrunjci na to ili makaruni i ... to je to, se još jeno malo sira narezalo, i gotovo.
Dan danas ta jela ja rečen da se ne nude va našeh oštarijah. Bi se i nudila, ali nimajo oštari dobrijeh klobasici pa se i zato ne nudi i ne more bit dobra pašta, ko ćemo jušto o tijen guorit.
Pazite i ovo kuhano vino ščesnuon ča neki stavljajo va smjeso je isto nastalo naknadno, s turizmom, kad je prišla ta potreba za većim količinami jer samo se suol papar i česan stavljalo odvajka va klobasici. Nigder so žijenske stavljale i malo rakiji. Ako ije, malo vina se kaplo radi neke pikantnosti, ali van guorin, po staren recepti to ni hodilo."
Zač se kobasice niso do kraja sušile
Ča o tijen guori Pino Kuhar:
"Ni se nikad suhe kobasice delalo, to se moglo kakuov kuščić, jeno kambico, jeno puol metri moglo puštit, ali ostalo se je sve spravilo va mas. Već se uni put znalo da ko se jeno malo termički obradi, va te teple mašće s kuon se zalilo da ni jušto sirova sirova, je manje mogućnosti da se kroz leto pokvari. Tako se par kuščić znalo sačuvat do druge prašćini."
ponedjeljak, 19.03.2007.
te kobasice so kvrgaste ... masne ... niso ramne
Našli smo se opet neki dan i snimili jeno puol uri Pina Kuhara dokle guori o klobasican. Pasali smo do Trananaja va Sošiće, je pronta čripnjo. So bili još i Alfredo i Žižo
A to ja, to će valjat za cijelo ovo štorijo. Bimo reć, osnova priče je tu. Sad rabi se po rijede složit va nekoliko kratkih emisija za na radijo; to drugo soboto ću počet pušćat se ča uon guori va emisije ko smo zdamni nazvali Dani narezenega žlomprta. Se to ča Pino guori još valja prepisat na harto za činit libar. Kala san dio njigove lamentacije i prova složit jedan list za slikovnico.
EKO JE, to bi forši mogla bit jena. Nekoliko san hi još pronta.
Guori Pino Kuhar:
- Gledaj pogrešno je pensat da so kobasice kvrgaste zato ča so žijenske rezale mijeso z nuožijen aš ni bilo makini za mlet mijeso; imamo na žminjšćine jeno makino, jedino tojsto san vide kade je čak i drvijen puž za punit klobasice. Uglavnom se narezalo mijeso na kockice i to mišićna vlakna i normalno, se stavilo jeno malo masnoće.
Jedan put kobasice niso bile masne kako se danas delajo, radi količini, da hi bude ča već.
... i to makino ča Pino guori ćemo morat slikat
nedjelja, 18.03.2007.
crna-kronika
Otuđio cigarete, bonove i kobasice
KARLOVAC, 22. veljače - U karlovačkom naselju Švarča u istoimenoj trgovini i ugostiteljskom objektu, nepoznati je počinitelj u noći na subotu otuđio polog od 518 kuna. Provalnik je otuđio i više komada kobasica, a materijalna šteta ...
petak, 16.03.2007.
trt mrt ... žlomprt
Sad ću se tornat' na početak ove zanesenosti z klobasicami.
Na Radiju, Radio Puli, san dela skupa z Alfredom kratke, nazovi emisije, ke smo naslovili nešto kako ... Radio Pula Vam predstavlja ... dani narezenega žlomprta.
Oni put prije dva lita smo kratke rečenice o žlomprtu, klobasicami, pršutu, Europi i standardizaciji skupa z globalizacijom sprtljali u nekolikominutne segmente razmišljanja ljudi ki su nama bili relevantni; Milan Rakovac, Franko Juri, Dario Marušić, Sniježana i Ive Matejčić, Mladen Lučić, Franci Blašković, Tone Livi (Vitasović) ... i još hi je bilo, a za ovi BLOG ću pretipkati sve ča smo tamo napeštali. Ovo mi rabi za napraviti arhivu svih pizdarija ke su nas potegle prema klobasicami.
Eko ga ča nan je ti put za sva ta pitanja reka Milan Rakovac, a smo počeli s pitanjem o žlomprtu:
Zarebnik mi rečemo, to je zapadna Istra, Rakovci, Baderna, Sveti Lovreč ... ja se domišljan da bi naši stari to, ne miga da se to pojilo ... ćo, kobasice i zarebnik ... to bi se posušilo, pa bi se popeklo, pa bi se vrglo u mas' i to bi duralo kroz cilo lito. ... a z tin napraviš ća ćeš; fritaja ... z škalonjon, šugo, ... miljun načini ...
Mene ni strah standardizacije kako ča se ne bojin Europe za razliku od ovega ča nas straše da neće biti kulena, žlomprta i kobasic, pršuta, sira i vrhnja, anci će ga biti, samo neće saka mona moći mišati ča mu dojde u glavu z blatnimi rukami, nego će ta standardizacija podrazumijevati, prije svega poštovanje recepture ćo, a onda poštovanje zakonitosti. Higijena. Higijena je sve, kapiš.
Tu je počela priča ka se nastavila i sad smo pred kompletiranjem ideje o slikovnici za odrasle na temu KLOBASICE.
srijeda, 14.03.2007.
novosti iz gospodarstva
Tankeri i kobasice industrijski asovi
Najviše kuna ubere se u Hrvatskoj prodajom tankera, cigareta, piva, cementa i kobasica. Na listi 10 najvažnijih industrijskih proizvoda po vrijednosti prodaje Državnog zavoda za statistiku su i svježi kruh, polietilen, mlijeko i vrhnje, vode i bezalkoholna pića te lijekovi. MojeVijesti.com (via http://www.slobodnadalmacija.hr)
jebeš blog brez crne kronike
UBIO ZBOG KOBASICE!
BEOGRAD - Zoran Jovanović (44) iz Brovića kod Obrenovca ubio je komšiju Ljubivoja Jovanovića (52), koji nije hteo da mu kupi kobasicu u prodavnici! Ovaj bizarni zločin dogodio u nedelju po podne kada se Zoran iznervirao što njegov prezimenjak nije hteo da mu kupi srpsku kobasicu u radnji ispred koje su prethodno sedeli i pili! Posle svađe, Zoran je na seoskom putu najpre pet puta nožem izbo Ljubivoja, a onda preko njegovog tela... » Press - Sreda, 3. Maj 2006.
| < | studeni, 2008 | |||||
| P | U | S | Č | P | S | N |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Studeni 2008 (1)
Lipanj 2007 (1)
Ožujak 2007 (10)
Veljača 2007 (20)
Siječanj 2007 (2)
Dnevnik.hr
Gol.hr
Zadovoljna.hr
OYO.hr
NovaTV.hr
DomaTV.hr
Mojamini.tv
Komentari da/ne?
... još kad bi mi ča znali ...
ove smo godine sami napravili kobasice, umiješali papar, sol, česan
ovo je opis tega našega iskustva
(alfredo, livio i mario)
:::
Linkovi
............
Blog.hr
Forum.hr
Monitor.hr
............
Bookaleta
............
GradPula
............
:::
recept
... mesa, papra, soli, i česna skuhanega u vinu Tekstovi koji se pojavljuje u ovom blogu skinuti su iz priloga koje sam snimao po Istri i emitirao u programu Radio Pule. Najčešće subotom u jutro. U programu koji vodimo Alfredo i ja. Zato smo smislili imena za te blokove programa: "Dani narezanega žlomprta" i "Kumpir na flisku" gdje smo trpali sve ča je imalo veze s prascima, žlomprtima, pršutima i klobasicami. Najavne jinglove je za to spremio Livio Morosin.
... i to bi zmišano, pak nadjeveno u črivo bile klo-oobasice. Istrijanske. I ča još?
Iskali smo ča još? Ča sve rabi da bi se klobasice poznale da su domaće. Istrijanske.
::::::::
........
TILIO
sad ću van povedat recept za kloobasice:
na 10 kili miesa:
soli 1,8%, papra 0,25%, česna sirovega 0,60-0,70%, naribat malo muškatnega oraščića, skuhat dva deci vina (s četiri-piet listi javora).
...
:::
Ima tu i Alfredovih priloga i materijala iz emisije "S mikrofonom po Istri" koja se emitira nedjeljom u 10 sati, a od 2006. uređuje i vodi Serđo Valić z Raklja sela.